(1917) Chispes
Yo cortex'a una rapaza
de cerque Pola de Siero;
cortexela y non me quixo
fízom' un favor con ello.
Dixéronme l'otru día
que Juana tenía mozu.
Si non la afalaga bien
va tener que buscar otru.
Chacha, non niegues q'Antós
i disti dos besiquinos
porque dexaron la marca
tos llabios coloradinos.
Si foras una manzana
como yes una chavala
l sidre que te sacaren
diba ser de eso que salta.
Vas pa Noreña, Taresa,
a vender allí la lleche,
y yo sé que tu vas más
por falar con quien tu quiers.
Sí; non lo niegues, Taresa,
q'ayer te ví con Antón,
y antiayer, y el otru día...
xunt'al carru de Nolón.